| וישכם . לבן . בבוקר . וינשק . לבניו . וליבנותיו . ויברך . אתהם . וילך . וישב . לבן . לימקומו | 1 |
| ויעקוב . הלך . לדרכו . ויפגעו . בו . מלאכי . אלוהים | 2 |
| ויואמר . יעקוב . כאשר . ראם . מחנה . אלוהים . זה . ויקרא . שם . המקום . ההוא . מחניים | 3 |
| וישלח . יעקוב . מלאכים . לפניו . אל . עסו . אחיו . ארצה . סעיר . סדה . אדום | 4 |
| ויצו . אותם . לאמור . כוה . תואמרון . לאדוני . לעסו . כוה . אמר . עבדכ . יעקוב . עים . לבן . גרתי . ואחר . עד . עתה | 5 |
| ויהי . לי . שור . וחמור . צואן . ועבד . ושיפחה . ואשלחה . להגיד . לאדוני . לימצוא . חן . בעיניכה | 6 |
| וישובו . המלאכים . אל . יעקוב . לאמור . באנו . אל . אחיכה . אל . עסו . וגם . הולך . ליקראתכה . וארבע . מאות . איש . עימו | 7 |
| ויירא . יעקוב . מאוד . ויצר . לו . ויחץ . את . העם . אשר . איתו . ואת . הצואן . ואת . הבקר . והגמלים . לישני . מחנות | 8 |
| ויואמר . אים . יבוא . עסו . אל . המחנה . האחת . והיכהו . והיה . המחנה . הנישאר . ליפליטה | 9 |
| ויואמר . יעקוב . אלוהי . אבי . אברהם . ואלוהי . אבי . יצחק . יהוה . האומר . אלי . שוב . לארצכה . ולמולדתכה . ואיטיבה . עימך | 10 |
| קטונתי . מיכול . החסדים . ומיכל . האמת . אשר . עסית . את . עבדכה . כי . במקלי . עברתי . את . הירדן . הזה . ועתה . הייתי . לישני . מחנות | 11 |
| הצילני . נא . מיד . אחי . מיד . עסו . כי . ירא . אנוכי . אותו . פן . יבוא . והיכני . אם . על . בנים | 12 |
| ואתה . אמרת . היטב . איטיב . עימך . וסמתי . את . זרעכה . כחול . הים . אשר . לוא . יספר . מרוב | 13 |
| וילן . שם . בלילה . ההוא . ויקח . מין . הבא . בידו . מינחה . לעסו . אחיו | 14 |
| עיזים . מאתיים . ותישים . עסרים . רחלים . מאתיים . ואילים . עסרים | 15 |
| גמלים . מיניקות . ובניהם . שלושים . פרות . ארבעים . ופרים . עסרה . אתונות . עסרים . ועירים . עסרה | 16 |
| ויתן . ביד . עבדיו . עדר . עדר . לבדו . ויואמר . אל . עבדיו . עיברו . לפני . ורוח . תסימו . בין . עדר . ובין . עדר | 17 |
| ויצו . את . הריאשון . לאמור . כי . יפגשכה . עסו . אחי . וישאלכה . לאמור . למי . אתה . ואנה . תלך . ולמי . אלה . לפניכה | 18 |
| ואמרת . לעבדכה . ליעקוב . מינחה . היוא . שלוחה . לאדוני . לעסו . והינה . גם . הוא . אחרינו | 19 |
| ויצו . גם . את . השני . גם . את . השלישי . גם . את . כל . ההולכים . אחרי . העדרים . לאמור . כדבר . הזה . תדברון . אל . עסו . במוצאכם . אותו | 20 |
| ואמרתם . גם . הינה . עבדכה . יעקוב . אחרינו . כי . אמר . אכפרה . פניו . במינחה . ההולכת . לפני . ואחרי . כן . אראה . פניו . אולי . יסא . פני | 21 |
| ותעבור . המינחה . על . פניו . והוא . לן . בלילה . ההוא . במחנה | 22 |
| ויקם . בלילה . הוא . ויקח . את . שתי . נשיו . ואת . שתי . שיפחותיו . ואת . אחד . עסר . ילדיו . ויעבור . את . מעבר . יבוק | 23 |
| ויקחם . ויעבירם . את . הנחל . ויעבר . את . אשר . לו | 24 |
| ויותר . יעקוב . לבדו . ויאבק . איש . עימו . עד . עלות . השחר | 25 |
| וירא . כי . לוא . יכול . לו . ויגע . בכף . ירכו . ותקע . כף . ירך . יעקוב . בהאבקו . עימו | 26 |
| ויואמר . שלחני . כי . עלה . השחר . ויואמר . לוא . אשלחכה . כי . אים . ברכתני | 27 |
| ויואמר . אליו . מה . שמכה . ויואמר . יעקוב | 28 |
| ויואמר . לוא . יעקוב . יאמר . עוד . שימכה . כי . אים . יסראל . כי . סרית . עים . אלוהים . ועים . אנשים . ותוכל | 29 |
| וישאל . יעקוב . ויואמר . הגידה . נא . שמכה . ויואמר . למה . זה . תישאל . לישמי . ויברך . אותו . שם | 30 |
| ויקרא . יעקוב . שם . המקום . פניאל . כי . ראיתי . אלוהים . פנים . אל . פנים . ותינצל . נפשי | 31 |
| ויזרח . לו . השמש . כאשר . עבר . את . פנואל . והוא . צולע . על . ירכו | 32 |
| על . כן . לוא . יואכלו . בני . יסראל . את . גיד . הנשה . אשר . על . כף . הירך . עד . היום . הזה . כי . נגע . בכף . ירך . יעקוב . בגיד . הנשה | 33 |
