| ויבואו . שני . המלאכים . סדומה . בערב . ולוט . יושב . בשער . סדום . וירא . לוט . ויקם . ליקראתם . וישתחו . אפיים . ארצה | 1 |
| ויואמר . הינה . נא . אדוני . סורו . נא . אל . בית . עבדכם . ולינו . ורחצו . רגליכם . והישכמתם . והלכתם . לדרככם . ויואמרו . לוא . כי . ברחוב . נלין | 2 |
| ויפצר . בם . מאוד . ויסורו . אליו . ויבואו . אל . ביתו . ויעס . להם . מישתה . ומצות . אפה . ויואכלו | 3 |
| טרם . ישכבו . ואנשי . העיר . אנשי . סדום . נסבו . על . הביית . מינער . ועד . זקן . כל . העם . מיקצה | 4 |
| ויקראו . אל . לוט . ויואמרו . לו . איה . האנשימ . אשר . באו . אליכה . הלילה . הוציאם . אלינו . ונדעה . אותם | 5 |
| ויצא . אלהם . לוט . הפתחה . והדלת . סגר . אחריו | 6 |
| ויואמר . אל . נא . אחי . תרעו | 7 |
| הינה . נא . לי . שתי . בנות . אשר . לוא . ידעו . איש . אוציאה . נא . אתהן . אליכם . ועסו . להן . כטוב . בעיניכם . רק . לאנשים . האל . אל . תעסו . דבר . כי . על . כן . באו . בצל . קורתי | 8 |
| ויואמרו . גש . הלאה . ויואמרו . האחד . בא . לגור . וישפוט . שפוט . עתה . נרע . לכה . מהם . ויפצרו . באיש . בלוט . מאוד . ויגשו . לישבור . הדלת | 9 |
| וישלחו . האנשים . את . ידם . ויביאו . את . לוט . אליהם . הביתה . ואת . הדלת . סגרו | 10 |
| ואת . האנשים . אשר . פתח . הביית . היכו . בסנורים . מיקטון . ועד . גדול . וילאו . לימצוא . הפתח | 11 |
| ויואמרו . האנשים . אל . לוט . עוד . מי . לכה . פוה . חתן . ובניכה . ובנותיכה . וכול . אשר . לכה . בעיר . הוצא . מין . המקום | 12 |
| כי . משחיתים . אנחנו . את . המקום . הזה . כי . גדלה . צעקתם . את . פני . יהוה . וישלחנו . יהוה . לשחתה | 13 |
| ויצא . לוט . וידבר . אל . חתניו . לוקחי . בנותיו . ויואמר . קומו . צאו . מין . המקום . הזה . כי . משחית . יהוה . את . העיר . ויהי . כימצחק . בעיני . חתניו | 14 |
| וכמו . השחר . עלה . ויאיצו . המלאכים . בלוט . לאמור . קום . קח . את . אישתכה . ואת . שתי . בנותיכה . הנימצאות . פן . תיספה . בעוֹן . העיר | 15 |
| ויתמהמה . ויחזיקו . האנשים . בידו . וביד . אישתו . וביד . שתי . בנותיו . בחמלת . יהוה . עליו . ויוציאוהו . ויניחוהו . מיחוץ . לעיר | 16 |
| ויהי . כהוציאם . אותם . החוצה . ויואמר . הימלט . על . נפשכה . אל . תביט . אחריכה . ואל . תעמוד . בכל . הכיכר . ההרה . הימלט . פן . תיספה | 17 |
| ויואמר . לוט . אלהם . אל . נא . אדוני | 18 |
| הינה . נא . מצא . עבדכה . חן . בעיניכה . ותגדל . חסדכה . אשר . עסית . עימדי . להחיות . את . נפשי . ואנוכי . לוא . אוכל . להימלט . ההרה . פן . תידבקני . הרעה . ומתי | 19 |
| הינה . נא . העיר . הזואת . קרובה . לנוס . שמה . והיא . מיצער . אימלטה . נא . שמה . הלוא . מיצער . היוא . ותחי . נפשי | 20 |
| ויואמר . אליו . הינה . נסאתי . פניכה . גם . לדבר . הזה . לבילתי . הפכי . את . העיר . אשר . דיברת | 21 |
| מהר . הימלט . שמה . כי . לוא . אוכל . לעסות . דבר . עד . בואכה . שמה . על . כן . קרא . שם . העיר . צוער | 22 |
| השמש . יצא . על . הארץ . ולוט . בא . צוערה | 23 |
| ויהוה . הימטיר . על . סדום . ועל . עמורה . גפרית . ואש . מאת . יהוה . מין . השמיים | 24 |
| ויהפוך . את . הערים . האל . ואת . כל . הכיכר . ואת . כל . יושבי . הערים . וצמח . האדמה | 25 |
| ותבט . אישתו . מאחריו . ותהי . נציב . מלח | 26 |
| וישכם . אברהם . בבוקר . אל . המקום . אשר . עמד . שם . את . פני . יהוה | 27 |
| וישקף . על . פני . סדום . ועמורה . ועל . כל . פני . ארץ . הכיכר . וירא . והינה . עלה . קיטור . הארץ . כקיטור . הכיבשן | 28 |
| ויהי . בשחת . אלוהים . את . ערי . הכיכר . ויזכור . אלוהים . את . אברהם . וישלח . את . לוט . מיתוך . ההפכה . בהפוך . את . הערים . אשר . ישב . בהן . לוט | 29 |
| ויעל . לוט . מיצוער . וישב . בהר . ושתי . בנותיו . עימו . כי . ירא . לשבת . בצוער . וישב . במערה . הוא . ושתי . בנותיו | 30 |
| ותואמר . הבכירה . אל . הצעירה . אבינו . זקן . ואיש . אין . בארץ . לבוא . עלינו . כדרך . כל . הארץ | 31 |
| לכה . נשקה . את . אבינו . יין . ונישכבה . עימו . ונחיה . מאבינו . זרע | 32 |
| ותשקין . את . אביהן . יין . בלילה . הוא . ותבוא . הבכירה . ותישכב . את . אביה . ולוא . ידע . בשיכבה . ובקומה | 33 |
| ויהי . מימחרת . ותואמר . הבכירה . אל . הצעירה . הן . שכבתי . אמש . את . אבי . נשקנו . יין . גם . הלילה . ובואי . שיכבי . עימו . ונחיה . מאבינו . זרע | 34 |
| ותשקין . גם . בלילה . ההוא . את . אביהן . יין . ותקם . הצעירה . ותישכב . עימו . ולוא . ידע . בשיכבה . ובקומה | 35 |
| ותהרין . שתי . בנות . לוט . מאביהן | 36 |
| ותלד . הבכירה . בן . ותיקרא . שמו . מואב . הוא . אבי . מואב . עד . היום | 37 |
| והצעירה . גם . היוא . ילדה . בן . ותיקרא . שמו . בן . עמי . הוא . אבי . בני . עמון . עד . היום | 38 |
