| ויהי . בימי . אמרפל . מלך . שינער . אריוך . מלך . אלסר . כדרלעומר . מלך . עילם . ותידעל . מלך . גויים | 1 |
| עסו . מילחמה . את . ברע . מלך . סדום . ואת . בירשע . מלך . עמורה . שינאב . מלך . אדמה . ושמאבר . מלך . צבויים . ומלך . בלע . היא . צוער | 2 |
| כל . אלה . חברו . אל . עמק . הסידים . הוא . ים . המלח | 3 |
| שתים . עסרה . שנה . עבדו . את . כדרלעומר . ושלוש . עסרה . שנה . מרדו | 4 |
| ובארבע . עסרה . שנה . בא . כדרלעומר . והמלכים . אשר . איתו . ויכו . את . רפאים . בעשתרות . קרניים . ואת . הזוזים . בהם . ואת . האימים . בשוה . קיריתיים | 5 |
| ואת . החורי . בהררם . סעיר . עד . איל . פארן . אשר . על . המידבר | 6 |
| וישובו . ויבואו . אל . עין . מישפט . היוא . קדש . ויכו . את . כל . סדה . העמלקי . וגם . את . האמורי . היושב . בחצצון . תמר | 7 |
| ויצא . מלך . סדום . ומלך . עמורה . ומלך . אדמה . ומלך . צבויים . ומלך . בלע . היוא . צוער . ויערכו . איתם . מילחמה . בעמק . הסידים | 8 |
| את . כדרלעומר . מלך . עילם . ותידעל . מלך . גויים . ואמרפל . מלך . שינער . ואריוך . מלך . אלסר . ארבעה . מלכים . את . החמישה | 9 |
| ועמק . הסידים . בארות . בארות . חמר . וינוסו . מלך . סדום . ועמורה . ויפלו . שמה . והנישארים . הרה . נסו | 10 |
| ויקחו . את . כל . רכוש . סדום . ועמורה . ואת . כל . אכלם . וילכו | 11 |
| ויקחו . את . לוט . ואת . רכושו . בן . אחי . אברם . וילכו . והוא . יושב . ביסדום | 12 |
| ויבוא . הפליט . ויגד . לאברם . העיברי . והוא . שוכן . באלוני . ממרא . האמורי . אחי . אשכול . ואחי . ענר . והם . בעלי . ברית . אברם | 13 |
| וישמע . אברם . כי . נישבה . אחיו . וירק . את . חניכיו . ילידי . ביתו . שמונה . עסר . ושלוש . מאות . וירדוף . עד . דן | 14 |
| ויחלק . עליהם . לילה . הוא . ועבדיו . ויכם . וירדפם . עד . חובה . אשר . מיסמואל . לדמסק | 15 |
| וישב . את . כל . הרכוש . וגם . את . לוט . אחיו . ורכושו . השיב . וגם . את . הנשים . ואת . העם | 16 |
| ויצא . מלך . סדום . ליקראתו . אחרי . שובו . מהכות . את . כדר . לעומר . ואת . המלכים . אשר . איתו . אל . עמק . שוה . הוא . עמק . המלך | 17 |
| ומלכי . צדק . מלך . שלם . הוציא . לחם . וייין . והוא . כוהן . לאל . עליון | 18 |
| ויברכהו . ויואמר . ברוך . אברם . לאל . עליון . קונה . שמיים . וארץ | 19 |
| וברוך . אל . עליון . אשר . מיגן . צריכה . בידכה . ויתן . לו . מעסר . מיכול | 20 |
| ויואמר . מלך . סדום . אל . אברם . תן . לי . הנפש . והרכוש . קח . לך | 21 |
| ויואמר . אברם . אל . מלך . סדום . הרימותי . ידי . אל . יהוה . אל . עליון . קונה . שמיים . וארץ | 22 |
| אים . מיחוט . ועד . סרוך . נעל . ואים . אקח . מיכל . אשר . לך . ולוא . תואמר . אני . העשרתי . את . אברם | 23 |
| בילעדי . רק . אשר . אכלו . הנערים . וחלק . האנשים . אשר . הלכו . איתי . ענר . אשכול . וממרא . הם . יקחו . חלקם | 24 |
