| וידבר . יהוה . אל . מושה . לאמור | 1 |
| ראה . קראתי . בשם . בצלאל . בן . אורי . בן . חור . למטה . יהודה | 2 |
| ואמלא . אותו . רוח . אלוהים . בחכמה . וביתבונה . ובדעת . ובכל . מלאכה | 3 |
| לחשוב . מחשבות . לעסות . בזהב . ובכסף . ובנחושת | 4 |
| ובחרושת . אבן . למלואת . ובחרושת . עץ . לעסות . בכל . מלאכה | 5 |
| ואני . הינה . נתתי . איתו . את . אהליאב . בן . אחיסמך . למטה . דן . ובלב . כל . חכם . לב . נתתי . חכמה . ועסו . את . כל . אשר . ציויתיכה | 6 |
| את . אוהל . מועד . ואת . הארון . לעדות . ואת . הכפורת . אשר . עליו . ואת . כל . כלי . האוהל | 7 |
| ואת . השולחן . ואת . כליו . ואת . המנורה . הטהורה . ואת . כל . כליה . ואת . מיזבח . הקטורת | 8 |
| ואת . מיזבח . העולה . ואת . כל . כליו . ואת . הכיור . ואת . כנו | 9 |
| ואת . ביגדי . הסרד . ואת . ביגדי . הקודש . לאהרון . הכוהן . ואת . ביגדי . בניו . לכהן | 10 |
| ואת . שמן . המישחה . ואת . קטורת . הסמים . לקודש . ככול . אשר . ציויתיכה . יעסו | 11 |
| ויואמר . יהוה . אל . מושה . לאמור | 12 |
| ואתה . דבר . אל . בני . יסראל . לאמור . אך . את . שבתותי . תישמורו . כי . אות . היוא . ביני . וביניכם . לדורותיכם . לדעת . כי . אני . יהוה . מקדישכם | 13 |
| ושמרתם . את . השבת . כי . קודש . היוא . לכם . מחלליה . מות . יומת . כי . כל . העוסה . בה . מלאכה . וניכרתה . הנפש . ההיוא . מיקרב . עמיה | 14 |
| ששת . ימים . יעסה . מלאכה . וביום . השביעי . שבת . שבתון . קודש . ליהוה . כל . העוסה . מלאכה . ביום . השבת . מות . יומת | 15 |
| ושמרו . בני . יסראל . את . השבת . לעסות . את . השבת . לדורותם . ברית . עולם | 16 |
| ביני . ובין . בני . יסראל . אות . היוא . לעולם . כי . ששת . ימים . עסה . יהוה . את . השמיים . ואת . הארץ . וביום . השביעי . שבת . וינפש | 17 |
| ויתן . אל . מושה . ככלותו . לדבר . איתו . בהר . סיני . שני . לוחות . העדות . לוחות . אבן . כתובים . באצבע . אלוהים | 18 |
