| לוא . תיסא . שמע . שוא . אל . תשת . ידכה . עים . רשע . ליהיות . עד . חמס | 1 |
| לוא . תיהיה . אחרי . רבים . לרעות . ולוא . תענה . על . ריב . לינטות . אחרי . רבים . להטות | 2 |
| ודל . לוא . תהדר . בריבו | 3 |
| כי . תיפגע . שור . אוייבכה . או . חמורו . תועה . השב . תשיבנו . לו | 4 |
| כי . תיראה . חמור . סונאכה . רובץ . תחת . מסאו . וחדלת . מעזוב . לו . עזוב . תעזוב . עימו | 5 |
| לוא . תטה . מישפט . אביונכה . בריבו | 6 |
| מידבר . שקר . תירחק . ונקי . וצדיק . אל . תהרוג . כי . לוא . אצדיק . רשע | 7 |
| ושוחד . לוא . תיקח . כי . השוחד . יעור . פיקחים . ויסלף . דיברי . צדיקים | 8 |
| וגר . לוא . תילחץ . ואתם . ידעתם . את . נפש . הגר . כי . גרים . הייתם . בארץ . מיצריים | 9 |
| ושש . שנים . תיזרע . את . ארצכה . ואספת . את . תבואתה | 10 |
| והשביעית . תישמטנה . ונטשתה . ואכלו . אביוני . עמכה . וייתרם . תואכל . חית . הסדה . כן . תעסה . לכרמכה . לזיתכה | 11 |
| ששת . ימים . תעסה . מעסיכה . וביום . השביעי . תישבות . למען . ינוח . שורכה . וחמורכה . ויינפש . בן . אמתכה . והגר | 12 |
| ובכול . אשר . אמרתי . אליכם . תישמרו . ושם . אלוהים . אחרים . לוא . תזכירו . לוא . ישמע . על . פיכה | 13 |
| שלוש . רגלים . תחוג . לי . בשנה | 14 |
| את . חג . המצות . תישמור . שיבעת . ימים . תואכל . מצות . כאשר . ציויתיכה . למועד . חודש . האביב . כי . בו . יצאת . מימיצריים . ולוא . יראו . פני . ריקם | 15 |
| וחג . הקציר . ביכורי . מעסיכה . אשר . תיזרע . בסדה . וחג . האסיף . בצאת . השנה . באספכה . את . מעסיכה . מין . הסדה | 16 |
| שלוש . פעמים . בשנה . יראה . כל . זכורכה . אל . פני . האדון . יהוה | 17 |
| לוא . תיזבח . על . חמץ . דם . זיבחי . ולוא . ילין . חלב . חגי . עד . בוקר | 18 |
| ראשית . ביכורי . אדמתכה . תביא . בית . יהוה . אלוהיכה . לוא . תבשל . גדי . בחלב . אימו | 19 |
| הינה . אנוכי . שולח . מלאך . לפניכה . לישמרכה . בדרך . ולהביאכה . אל . המקום . אשר . הכינותי | 20 |
| הישמר . מיפניו . ושמע . בקולו . אל . תמר . בו . כי . לוא . יסא . לפישעכם . כי . שמי . בקירבו | 21 |
| כי . אים . שמוע . תישמע . בקולו . ועסית . כול . אשר . אדבר . ואיבתי . את . אויביכה . וצרתי . את . צורריכה | 22 |
| כי . ילך . מלאכי . לפניכה . והביאכה . אל . האמורי . והחיתי . והפריזי . והכנעני . החיוי . והיבוסי . והיכחדתיו | 23 |
| לוא . תישתחוה . לאלוהיהם . ולוא . תעבדם . ולוא . תעסה . כמעסיהם . כי . הרס . תהרסם . ושבר . תשבר . מצבותיהם | 24 |
| ועבדתם . את . יהוה . אלוהיכם . וברך . את . לחמכה . ואת . מימיכה . והסירותי . מחלה . מיקירבכה | 25 |
| לוא . תיהיה . משכלה . ועקרה . בארצכה . את . מיספר . ימיכה . אמלא | 26 |
| את . אימתי . אשלח . לפניכה . והמותי . את . כל . העם . אשר . תבוא . בהם . ונתתי . את . כל . אויביכה . אליכה . עור | 27 |
| ושלחתי . את . הצירעה . לפניכה . וגרשה . את . החיוי . את . הכנעני . ואת . החיתי . מילפניכה | 28 |
| לוא . אגרשנו . מיפניכה . בשנה . אחת . פן . תיהיה . הארץ . שממה . ורבה . עליכה . חית . הסדה | 29 |
| מעט . מעט . אגרשנו . מיפניכה . עד . אשר . תיפרה . ונחלת . את . הארץ | 30 |
| ושתי . את . גבולכה . מים . סוף . ועד . ים . פלישתים . ומימידבר . עד . הנהר . כי . אתן . בידכם . את . יושבי . הארץ . וגרשתמו . מיפניכה | 31 |
| לוא . תיכרות . להם . ולאלוהיהם . ברית | 32 |
| לוא . ישבו . בארצכה . פן . יחטיאו . אותכה . לי . כי . תעבוד . את . אלוהיהם . כי . יהיה . לכה . למוקש | 33 |
