| ואחר . באו . מושה . ואהרון . ויואמרו . אל . פרעוה . כוה . אמר . יהוה . אלוהי . יסראל . שלח . את . עמי . ויחוגו . לי . במידבר | 1 |
| ויואמר . פרעוה . מי . יהוה . אשר . אשמע . בקולו . לשלח . את . יסראל . לוא . ידעתי . את . יהוה . וגם . את . יסראל . לוא . אשלח | 2 |
| ויואמרו . אלוהי . העיברים . ניקרא . עלינו . נלכה . נא . דרך . שלושת . ימים . במידבר . וניזבחה . ליהוה . אלוהינו . פן . יפגענו . בדבר . או . בחרב | 3 |
| ויואמר . אלהם . מלך . מיצריים . למה . מושה . ואהרון . תפריעו . את . העם . מימעסיו . לכו . לסיבלותיכם | 4 |
| ויואמר . פרעוה . הן . רבים . עתה . עם . הארץ . והישבתם . אותם . מיסיבלותם | 5 |
| ויצו . פרעוה . ביום . ההוא . את . הנוגסים . בעם . ואת . שוטריו . לאמור | 6 |
| לוא . תואסיפון . לתת . תבן . לעם . לילבון . הלבנים . כיתמול . שילשום . הם . ילכו . וקוששו . להם . תבן | 7 |
| ואת . מתכונת . הלבנים . אשר . הם . עוסים . תמול . שילשום . תסימו . עליהם . לוא . תיגרעו . מימנו . כי . נירפים . הם . על . כן . הם . צועקים . לאמור . נלכה . ניזבחה . לאלוהינו | 8 |
| תיכבד . העבודה . על . האנשים . ויעסו . בה . ואל . ישעו . בדיברי . שקר | 9 |
| ויצאו . נוגסי . העם . ושוטריו . ויואמרו . אל . העם . לאמור . כוה . אמר . פרעוה . אינני . נותן . לכם . תבן | 10 |
| אתם . לכו . קחו . לכם . תבן . מאשר . תימצאו . כי . אין . ניגרע . מעבודתכם . דבר | 11 |
| ויפץ . העם . בכל . ארץ . מיצריים . לקושש . קש . לתבן | 12 |
| והנוגסים . אצים . לאמור . כלו . מעסיכם . דבר . יום . ביומו . כאשר . ביהיות . התבן | 13 |
| ויוכו . שוטרי . בני . יסראל . אשר . סמו . עלהם . נוגסי . פרעוה . לאמור . מדוע . לוא . כיליתם . חקכם . לילבון . כיתמול . שילשום . גם . תמול . גם . היום | 14 |
| ויבואו . שוטרי . בני . יסראל . ויצעקו . אל . פרעוה . לאמור . למה . תעסה . כוה . לעבדיכה | 15 |
| תבן . אין . ניתן . לעבדיכה . ולבנים . אומרים . לנו . עסו . והינה . עבדיכה . מוכים . וחטאת . עמכה | 16 |
| ויואמר . נירפים . אתם . נירפים . על . כן . אתם . אומרים . נלכה . ניזבחה . ליהוה | 17 |
| ועתה . לכו . עיבדו . ותבן . לוא . ינתן . לכם . ותוכן . לבנים . תיתנו | 18 |
| ויראו . שוטרי . בני . יסראל . אותם . ברע . לאמור . לוא . תיגרעו . מיליבניכם . דבר . יום . ביומו | 19 |
| ויפגעו . את . מושה . ואת . אהרון . ניצבים . ליקראתם . בצאתם . מאת . פרעוה | 20 |
| ויואמרו . אלהם . ירא . יהוה . עליכם . ויישפוט . אשר . היבאשתם . את . ריחנו . בעיני . פרעוה . ובעיני . עבדיו . לתת . חרב . בידם . להרגנו | 21 |
| וישב . מושה . אל . יהוה . ויואמר . אדוני . למה . הרעותה . לעם . הזה . למה . זה . שלחתני | 22 |
| ומאז . באתי . אל . פרעוה . לדבר . בישמכה . הרע . לעם . הזה . והצל . לוא . היצלת . את . עמכה | 23 |
