| ויעל . מושה . מערבות . מואב . אל . הר . נבו . רואש . הפיסגה . אשר . על . פני . ירחו . ויראהו . יהוה . את . כל . הארץ . את . הגילעד . עד . דן | 1 |
| ואת . כל . נפתלי . ואת . ארץ . אפריים . ומנשה . ואת . כל . ארץ . יהודה . עד . הים . האחרון | 2 |
| ואת . הנגב . ואת . הכיכר . ביקעת . ירחו . עיר . התמרים . עד . צוער | 3 |
| ויואמר . יהוה . אליו . זואת . הארץ . אשר . נישבעתי . לאברהם . לייצחק . וליעקוב . לאמור . לזרעכה . אתננה . הראיתיכה . בעיניכה . ושמה . לוא . תעבור | 4 |
| וימת . שם . מושה . עבד . יהוה . בארץ . מואב . על . פי . יהוה | 5 |
| ויקבור . אותו . בגי . בארץ . מואב . מול . בית . פעור . ולוא . ידע . איש . את . קבורתו . עד . היום . הזה | 6 |
| ומושה . בן . מאה . ועסרים . שנה . במותו . לוא . כהתה . עינו . ולוא . נס . לחוה | 7 |
| ויבכו . בני . יסראל . את . מושה . בערבות . מואב . שלושים . יום . ויתמו . ימי . בכי . אבל . מושה | 8 |
| ויהושוע . בין . נון . מלא . רוח . חכמה . כי . סמך . מושה . את . ידיו . עליו . וישמעו . אליו . בני . יסראל . ויעסו . כאשר . ציוה . יהוה . את . מושה | 9 |
| ולוא . קם . נביא . עוד . ביסראל . כמושה . אשר . ידעו . יהוה . פנים . אל . פנים | 10 |
| לכל . האותות . והמופתים . אשר . שלחו . יהוה . לעסות . בארץ . מיצריים . לפרעוה . ולכל . עבדיו . ולכל . ארצו | 11 |
| ולכול . היד . החזקה . ולכול . המורא . הגדול . אשר . עסה . מושה . לעיני . כל . יסראל | 12 |
