| כי . תצא . למילחמה . על . אויביכה . וראית . סוס . ורכב . עם . רב . מימכה . לוא . תירא . מהם . כי . יהוה . אלוהיכה . עימך . המעלכה . מארץ . מיצריים | 1 |
| והיה . כקרבכם . אל . המילחמה . וניגש . הכוהן . ודיבר . אל . העם | 2 |
| ואמר . אלהם . שמע . יסראל . אתם . קרבים . היום . למילחמה . על . אויביכם . אל . ירך . לבבכם . אל . תיראו . ואל . תחפזו . ואל . תערצו . מיפניהם | 3 |
| כי . יהוה . אלוהיכם . ההולך . עיםכם . להילחם . לכם . עים . אויביכם . להושיע . אתכם | 4 |
| ודיברו . השוטרים . אל . העם . לאמור . מי . האיש . אשר . בנה . ביית . חדש . ולוא . חנכו . ילך . וישוב . לביתו . פן . ימות . במילחמה . ואיש . אחר . יחנכנו | 5 |
| ומי . האיש . אשר . נטע . כרם . ולוא . חיללו . ילך . וישוב . לביתו . פן . ימות . במילחמה . ואיש . אחר . יחללנו | 6 |
| ומי . האיש . אשר . ארס . אישה . ולוא . לקחה . ילך . וישוב . לביתו . פן . ימות . במילחמה . ואיש . אחר . יקחנה | 7 |
| ויספו . השוטרים . לדבר . אל . העם . ואמרו . מי . האיש . הירא . ורך . הלבב . ילך . וישוב . לביתו . ולוא . ימס . את . לבב . אחיו . כילבבו | 8 |
| והיה . ככלות . השוטרים . לדבר . אל . העם . ופקדו . סרי . צבאות . ברואש . העם | 9 |
| כי . תיקרב . אל . עיר . להילחם . עליה . וקראת . אליה . לשלום | 10 |
| והיה . אים . שלום . תענכה . ופתחה . לך . והיה . כל . העם . הנימצא . בה . יהיו . לכה . למס . ועבדוכה | 11 |
| ואים . לוא . תשלים . עימך . ועסתה . עימכה . מילחמה . וצרת . עליה | 12 |
| ונתנה . יהוה . אלוהיכה . בידכה . והיכית . את . כל . זכורה . לפי . חרב | 13 |
| רק . הנשים . והטף . והבהמה . וכול . אשר . יהיה . בעיר . כל . שללה . תבוז . לך . ואכלת . את . שלל . אויביכה . אשר . נתן . יהוה . אלוהיכה . לך | 14 |
| כן . תעסה . לכל . הערים . הרחוקות . מימכה . מאוד . אשר . לוא . מערי . הגויים . האלה . הנה | 15 |
| רק . מערי . העמים . האלה . אשר . יהוה . אלוהיכה . נותן . לכה . נחלה . לוא . תחיה . כל . נשמה | 16 |
| כי . החרם . תחריםם . החיתי . והאמורי . הכנעני . והפריזי . החיוי . והיבוסי . כאשר . ציוכה . יהוה . אלוהיכה | 17 |
| למען . אשר . לוא . ילמדו . אתכם . לעסות . ככול . תועבותם . אשר . עסו . לאלוהיהם . וחטאתם . ליהוה . אלוהיכם | 18 |
| כי . תצור . אל . עיר . ימים . רבים . להילחם . עליה . לתפסה . לוא . תשחית . את . עצה . לינדוח . עליו . גרזן . כי . מימנו . תואכל . ואותו . לוא . תיכרות . כי . האדם . עץ . הסדה . לבוא . מיפניכה . במצור | 19 |
| רק . עץ . אשר . תדע . כי . לוא . עץ . מאכל . הוא . אותו . תשחית . וכרת . ובנית . מצור . על . העיר . אשר . היוא . עוסה . עימכה . מילחמה . עד . רידתה | 20 |
